1. |
Flaschendrehn
03:19
|
|||
1 Flaschedrehn 04.05 T/M: Eisenbarth Arr: Wack/Wolf
1) Gabi, Steffi, Eva unn Renate
Anna, Josefin´, Maria, Grit
Astrid, unn Susanne, unn Beate
Petra, sehr geehrtes Fräulein Schmidt
2) Karin, Sandra, Alice unn Sabine
Dorothea, Hanni, Jaquelin`
Kim, Ulrike, Tanja unn Christine
Claudia, Elvira, Catherin`
Losse eich saaan, die Sach iss die
ess laaft mo so rum, mo so rum,
unn die Reechel zählt no jeder Fassong
Refr: Wie`s halt so iss, ihr werre beschiss,
beim Flaschedrehn laaft nie was ohne Zung`
Ihr hann´s doch gewisst, die Sort vunn Kiss,
die hann jetzt aa noch nimand umgebrung
3) Moni, Ellen, Lina unn Carola
Jessica, Sieglinde, Lilian´
Vroni, Magdalena, Fanta, Cola
Jenny, Geneviev`unn Mariann´
Losse eich saan, die Sach iss die
ess laaft mo so rum, mo so rum,
unn die Reechel zählt no jeder Fassong
Refr: Wie`s halt so iss, ihr werre beschiss,
beim Flaschedrehn laaft nie was ohne Zung`
Ihr hann´s doch gewisst, die Sort vunn Kiss,
die hann jetzt aa noch nimand umgebrung
|
||||
2. |
Die Freck
03:47
|
|||
2 Die Freck 010/03 T: K.Klee / M: Arr: Wack/Wolf
1) Isch wollt nix vunn dir wisse, unn hann disch trotzdem krieht
hasch zu mir komme misse, jetzt sing isch dir e Lied
Du kitzelscht mei Nas, du kratscht im meim Rache,
ess iss kenn Schpaß, mir iss net zum Lache
Refr: Jetzt hab isch disch, du Schnuppe,
was will´sche in de Palz,
muss isch jetzt do hucke,
unn hab disch grad am Hals
2) Was soll isch mit dir mache, was iss bloß mit dir los
ei Freck jetzt mach kenn Sache, hopp geh halt uff die Schtroß
Dort derfscht du geere bleibe, solang grad, wie de willscht
statt mit mir´s zu treibe, bis du misch eiskalt killscht
Refr:
De Schnuppe, de Schnuppe, de Schnuppe, de Schnuppe...
De Schnuppe, der iss raffiniert, kommt zu dir ganz unscheniert
Bei uns heeßt da die Freck, geh doch schnell widder weg
3) Was fang isch mit dir aan du alter Deiwel, du Fratz,
isch glaab isch hab e Plan, du bisch jetzt grad mei Schatz
Isch lieb disch unn isch drick disch, unn geh mit dir in´s Bett
do wird´s beschtimmt glei besser, do mach isch jeedie Wett
Refr:
|
||||
3. |
Rotz Unn Wasser
03:04
|
|||
3 Rotz un Wasser 2005 T:/M: Eisenbart Arr.: Wack/Wolf
1) Da huck'sche jetz' unn hasch ganz rode Aue, (Ahh)
der hinnerfotzich Saukerl wär's net wert, (Ja,ja,ja)
So emm wie demm, demm derft ma nie vetraue,
debei hätt's da dei Mudder doch erklärt
Dess iss halt so, do huck'sche manchmo' do
unn bisch es Leide ganz alleen
unn froosch Dich, wie soll's jemals nommo geh'n
Refr: Dess iss doch nur Rotz unn Wasser
unn geht widder weg
Rotz unn Wasser
e kleener Scheiß unn e Dreck
2) Waat ab, du wersch dich dabber dran gewehnt hann (ajoh)
wersch sieh'n, es gebt noch ann're uff de Welt
unn unner uns, soweit ich des so saan kann
es sinn net all nur uff dei Geld
Dess iss halt so, do huck'sche manchmo' do
unn bisch es Leide ganz alleen
unn froosch Dich, wie soll's jemols nommo geh'n
Refr: Dess iss doch nur Rotz unn Wasser
unn geht widder weg
Rotz unn Wasser
e kleener Scheiß
unn e Dreck
|
||||
4. |
Wo Fangt De Himmel Aan
03:52
|
|||
Wo fangt de Himmel aan 09/04 M:/Arr.:Freyer/Wack/Wolf T:Freyer
Intro: I C I Fmaj I C I Fmaj I Dm I E7 I Fmaj I G I Lauf: g a h
C G Am
1) Wenn ich mit meim Schätzje spaziere geh,
C G Am
bei Summerhitz odda im Winterschnee
Dm Dm/C Dm/H Dm/A G
dann guck ich mir de Himmel aan,
G/F G/E Lauf:
manchmol sinn Wolke draan
2) wenn ich im Urlaub an de Strand geh,
am Atlantik odda bei uns am See
dann guck ich mir de Himmel aan,
unn froo mich dann
Refr: II: Wo fangt de Himmel aan
Ich glaab du unn ich, mir zwee sinn schunn ganz nah draan :II
3) Wenn ich nachts vunn de Wertschaft heem geh
e Schoppe getrunk odda a zwee,
dann guck ich mir de Himmel aan, manchmol sinn Schterne draan
4) Schteh ich beim greeschte Gewitter im Reen
bin ich so froh, ich bin net alleen
dann guck ich mir de Himmel aan, sieh Blitz un Dunnakeil,
unn froo mich dann
Refr: Wo fangt de Himmel aan
Ich glaab, du unn ich, mir zwee sinn schunn ganz nah draan
C Fmaj
Die Wolke, die Schterne, die Sunn, unn de Mond,
C Fmaj
kannscht du mir mo saan, wer do obbe bloß wohnt,
Dm E7
isch hann do als mo so was leite geheert,
Fmaj g a b h
isch glaab es iss e Blues Band uff ihr´m letschde Konzert
Refr:
|
||||
5. |
De Deiwel Soll Se Hole
05:15
|
|||
5 De Deiwel soll se hole 01/05 M:/T: Wack, Arr: Wack/Wolf
( Nach einer Sage vom Einöder Teufelshaus und vom Zweibrücker Teufelsbrunnen)
1) Es warn e mol zwee Baurekinner, de Martin unns Marie
die hann sich arisch lieb gehatt, gezankt hann se sich nie
Mir bleibe immer zusamme, hann sie sich selbscht geschwor
es Marrie wollt glei heirate, hat nie viel Zeit verlor
2) Doch wie es Schicksal es so will, hat´s mo widder net gebasst
es Marrie, vunn deheem her reich, de Martin ohne was
Do hat de Bappe vum Marrie de Martin fortgejaht,
unn beim letzschte Abschiedskuss, hat´s Marrie dann gesaat
Refr: Isch will uff disch waate, laafscht du aa bis Pole
Unn wenn dess net die Worheet iss, soll misch de Deiwel hole.
3) De Martin iss zum Barras gang, fer de Kaiser in die Welt
wollt widder zurickkomme mit´m Beitel voller Geld
Um dann mit´m Marieche die Hochzeit zu feire
do kann sich der dabbiche Alte, grad eire
4) Doch de Babbe de alt, sucht e Mann mit viel Migge,
de nei iss de Burgvogt vunn denne zwee Brigge
Die Hochzeit soll glei sinn bevor es zu schpät,
sunscht kommt noch de Martin es Dorf ninngeweht
Refr: Em Marrie sei Schicksal, dess kommt uff leise Sohle
Unn jetzt iss es do, de Deiwel soll se hole
5) Unn wie ma´s gedenkt hat so isses bassiert,
am Owend vunn de Hochzeit kommt er grad rinnschpaziert
Sieht aus wie e Jäscher unn hat noch enner debei,
mit pechschwarze Hoor unn eme kleene Geweih
6) Der losst die Aue blitze unn fordert´s Marrie zum Danz,
dreht sich wild im Kreis rum, macht se schwindlich ganz,
dann nemmt er des Meede ganz fescht in de Arm
um glei druff mit dem arme Ding aus´m Fenschter zu fahr´n
Refr: Der gebrochene Schwur war ihr net zum Wohle,
dann soll´s halt so sinn, unn de Deiwel soll se hole
7) In´s Wasserloch hat er se geschteckt, ganz tief unne,
der Ort heeßt heit noch de Deiwelsbrunne
Unn alle sibbe Johr kommt aus´m Brunne gefahr,
e Kranz mit weiße Rose ganz wunderbar
Refr: Unn die Moral vunn der Geschicht, iss die Parole:
Mol ne net an die Wand, schunn kommt da disch a hole
|
||||
6. |
Ruf Misch Michel
03:37
|
|||
6 Ruf misch Michel 11/04 M:/T:Wack Arr:Wack/Wolf
Refr:
Ruf misch Michel,
Michel, Michel
Ruf misch Michel
Michel, Michel
Ruf misch Michel, Isch bin de Michel aus de Palz
1. Isch bin kenner vunn de leise, isch mach net viel Geschiss
ei gebt´s heit was zu feire, jo do komm isch mit.
Geb ma noch e Giddar unn die Blues Harp dezu,
ei heit owend loss isch´s krache, geb dodevor kenn Ruh.
Ruf misch Michel, isch bin de Michel aus de Palz
2. Mo hau isch uff die Trummel, mo schwing isch als die Schipp
mo sing isch Pälzer Lieder, komm sing doch bissche mit.
Als hab isch mo e Kapp uff, unn als emo e Hut
Unn wenn du heit Nacht bei mir bisch, jo do geht´s ma gut
Ruf misch Michel, isch bin de Mischel aus de Palz
3. Blues iss fer die Seele, Blues iss a fer´s Herz
Blues iss fer die Liebe, Blues iss fer de Schmerz
Blues iss fer de Hunger, Blues iss fer de Dorscht
Blues iss uff´m Kimmelweck - die Worscht !
Ruf misch Michel, isch bin de Michel aus de Palz
|
||||
7. |
Alles Klar In Afrika
04:17
|
|||
7 Alles klar in Afrika 12.10.06 M: / Arr.: Wack/Wolf T: Wack
1) Isch kenn e Land so groß und doch so unbekannt, do isses net so ganz wie do im weiße Wirtschaftswunnerland
Do gebts aus Abfall e Menu, isses Schlofzimmer die Schtrooß, do misse Kinner schaffe gehn, dass die Familie was zu beiße hat.
Doch wenn dann die Trummel ruft,
aus dem geheimnisvolle Busch, do hinne
wo de Medizinmann mit em Marabou die Geischter holt
Unn wenn de Pablo uff die Trummel haut,
unn die Gazelle tanze wie vum Blitz geschtoch,
das Lache haut dich eenfach um,
unn alle singe wie aus eenem Mund
Refr:
Jetzt iss alles klar in Afrika, iss alles klar
Jetzt iss alles klar in Afrika
2) Isch kenn e Land so arm an Geld unn reich an Herzlichkeit,
wo Politiker sich die Säck voll mache grad bis unners Kinn
Wo Kinner noch Soldate sinn unn Mensche
ihr Schicksal nur deele,
unser Gott anbete.
Doch wenn dann die Trummel ruft,
aus dem geheimnisvolle Busch, do hinne
wo de Medizinmann mit em Marabou die Geischter holt
Unn wenn de Pablo uff die Trummel haut,
unn die Gazelle tanze wie vum Blitz geschtoch,
das Lache haut dich eenfach um,
unn alle singe wie aus eenem Mund
Refr:
|
||||
8. |
So Nah Unn So Fern
05:09
|
|||
8 So nah und so fern 1.10.06 M / Arr.: Wack/Wolf T: Wack
1) Du bisch die Nacht unn de Daa fer misch,
schtrahlscht wie die Sunn unn wie de Mond.
Geb meim Herz doch e warmes Nescht,
wo Zeit unn Raum uns net berührn.
Dort schtrahlt Glanz aus alter Zeit,
zwische Himmel, Höll, unn Ewischkeit, - du
Refr:
bisch so nah unn doch so fern
leicht ma wie e goldner Schtern
dass ich disch, immer sieh, egal wo ich bin
disch im Dunkle finn.
2) Komm, mir drehn mo grad die Zeit zurick,
hol´s goldene Gewand.
Singe Lieder von Einsamkeit,
unn sinn dann in de anner Welt
Dort schtrahlt Glanz aus alter Zeit,
zwische Himmel, Höll, unn Ewischkeit, - du
Refr:
bisch so nah unn doch so fern
leicht ma wie e goldner Schtern
dass ich disch, immer sieh, egal wo ich bin
disch im dunkle finn.
|
||||
9. |
So Isses
03:29
|
|||
9 So isses 26.10.05 M: / T: / Arr: Wack
1) Es Lebe iss mo so mo so So isses
Mo isses traurisch, isses froh So isses
Bringt so manchie Überraschung,
froot net, ob´s grad basst So isses
Die eene nemme´s leicht,
die annere schmeiße´s grad so weg So isses
Refr: So isses, So isses, So isses
2) Du denkscht es geht immer weiter so, So isses
dann kommt grad was unn haut dich um So isses
Du leischt dann do unn froo´sch disch
wie ´s jetzt weitergehe soll So isses
Weesch kenn Antwort unn saahsch da dann So isses
Refr: Ujujuijuhjuijui, Aijoh so isses, ja ja so isses
3) Wo iss de Plan, wo iss es Ziel Wo isses
Wo iss der Ort, die Zeit geblieb Wo isse
Wo iss mei Platz, wo iss mei Kopp,
wo iss mei Haus, wo iss mei Herz Wo isses
Was bleibt iss Liebe, Freid unn Schmerz So isses
|
||||
10. |
Alles Es Selbe
03:51
|
|||
10 Alles es Selbe 06/04 M / Arr.: Wack/Wolf T: Karin Klee
1. Es iss alles es Selbe, hann odder sinn
denk mo an die Schuld
Schuld hann, odder Schuld sinn
2. Es iss alles es Selbe, du gebsch odder du verlangscht
denk mo ans Geld
Es Geld kommt, odder es geht
3. Es gebt kenn Unnerschied, komme odder gehn
denk mo an deheem
heem komme, odder heem gehn
4. Es iss Enns wie´s Anner, mache odder kriehn
denk mo an die Angscht
Angscht mache, odder Angscht kriehn
5. Es iss alles es Selbe, isch brauch disch,
unn isch loss disch gehn
denk mo an die Liebe
Isch brauch disch, unn isch loss disch gehn
6. Es iss immer alles annersch, annersch, (ganz annersch)
als ma so denkt
isch denk an disch, ganz fescht
isch brauch disch, komm mir losse uns gehn
|
||||
11. |
De Ball Iss Rund
03:32
|
|||
11 De Ball iss rund 04.06 T: Wack/Peschke / M: Arr: Wack / Wolf
1) De Ball iss rund unn werd gedreet,
de Geeschner werd uff´s Kreiz geleet
Mit Kopp unn Fuß im Raum ganz dief,
inn die Zweikämpf geh ma aggressiv
2) De Doormann halt im lange Eck
nur beim Elfmeter, do krieht da e Schreck
Beim Freischtoß schreit da die Abwehr aan
Unn zieht e Fress wie ein Titan
Refr: Bumm Bumm Bumm
Bumm Bumm Bumm
La Ola um die Welt erum
3) De Schtürmer schießt aa mo vorbei,
dann isser grad e Schpatzeei
De Schieri iss traurisch unn peift ohne Partei,
beim Manndecke isser leider net debei
4) Zwee Netze unn kenn Fisch gefang,
neunzisch Minutte sinn schunn ganz scheen lang
Mir hole uns heit de Pokal,
unn tausche die Trikots in de Abseitsfall´
Refr:
|
||||
12. |
Nikelaus Blues
01:57
|
|||
12 Nikelaus Blues 11.04 M:/T:Wack/ Arr: Wack/Wolf
1) Guck e mo do vorre, do saust da durch de Wald,
mit seim große Schlitte, bass uff jetzt kommt da bald
Unn alle Engel singe: Dess iss de Nikelaus Blues
2) De Bart weiß wie Schnee, uff´m Buckel de Sack,
unn wenn de scheen brav war´sch, dann grieh´sche aa was ab
Unn alle Engel singe: Dess iss de Nikelaus Blues
3) Jetzt kommt da die Dier rinn, unn ruft HO HO HO !
Saa schnell dei Gedicht uff, des macht ne dann so froh
Unn alle Engel singe: Dess iss de Nikelaus Blues
4) Doch wenn de net brav war´sch, sei besser uff Zack,
dann holt er die Rut´ raus, unn schteckt disch in de Sack
Unn alle Engel singe, unn alle Engel singe,
unn alle Engel singe: dess iss de Nikelaus Blues
|
Streaming and Download help
If you like Blues Himmel, you may also like:
Bandcamp Daily your guide to the world of Bandcamp