1. |
Alte Krieger
05:40
|
|||
1) Norde, Süde, Oschte, Weschte
weit weit weg, so isses am beschte
weites Land, vum Wasser gemacht
wo du aa bisch, geb guud uff dich acht
2) Weschte, Oschte, Norde, Süde
die alde Krieger sinn schon müde
flechte aus Perle e buntes Band
bewache ihr heilisches Land
Alte Krieger, weites Land
3) Süde, Norde, Weschte, Oschte
Nelson der Navajo steht uff seim Poschte
Monument unn Statist aus rotem Schdeen
die Show muss weitergeh´n
Alte Krieger, weites Land
|
||||
2. |
Ich waat uff dich
05:35
|
|||
Heit wolld ma uns e scheener Owend mache
zamme esse, dringe unn noch paar annere Sache
es Bärefell leit schunn bereit was hann ich mich uff dich gefreit
du hasch gesaat um 8 bische do jetzt waat ich uff dich wie jedes mo
Samschda wollde ma ins Kino gehen Spätvorstellung Vertel no 10
mit de Kaade hann ich do geschdann do klingelts Händi du rufsch an
hasch gesaad „ich bin ball do“ jetzt waat ich uff dich wie jedes mo
Refr:
Ich waat uff dich, wie jedesmo, wie jedesmo,
unn ich waat gern, dess macht mich froh, dess macht mich froh,
Ich waat uff dich, wie jedesmo, wie jedesmo,unn liebe du ich dich sowieso
Neilisch hann ich dir mo Geld gelieh wär so froh wenn ichs mo widda sieh
dann froo ich dich „wann kriehn ichs dann“ du hasch gesaat „ei irgendwann“
ich saa da was, des stinkt mir so, jetzt waat ich do druff wie jedes mo
Du rufscht mich ich soll komme zu dir es is jetzt Freida Midda halber vier
doch du weesch es ganz genau uff de Autobahn iss Stau
jetzt waat ich im Auto – eijo, es is genau wie jedes mo
Ess waate iss kenn scheenie Sach, drum her ma zu unn geb gut acht
wenn ich nimmie uff dich waate duu, nee, nee, nee, Affe tot unn Klappe zu
Du saascht ich soll mit dir gehen zum inkaafe des wär doch scheen
jetzt stehsche do im sibbte Kleed Un froosch mich dann wie´s dir steht
Ich saa da was des steht dir gut odda so Unn waat uff dich wie jedes mo
|
||||
3. |
Sa Mo So
03:08
|
|||
Was hat se dann gesaat, ei was hat se dann gesaat hat se was gesaat oder hat se nur gewaat was hat se dann gesaat, ei was hat se dann gesaat hat se was gesaat oder hat se nur gewaat sie saat so unn er saat so unn jeder mennt es gleiche ei wo simmer dann do Sa mo Sie, Sa mo Er, Sa mo Jo, Sa mo So, Eijo Sa mo Ich, Sa mo Du, Sa mo Jo, Sa mo So
Was hat er dann gesaat, ei was hat er dann gesaat hat er was gesaat oder hat er nur gewaat was hat er dann gesaat, ei was hat er dann gesaat hat er was gesaat oder hat er nur gewaat sie saat so unn er saat so unn jeder saat was anneres, was iss dann do los Sa mo Sie, Sa mo Er, Sa mo Jo, Sa mo So, Eijo Sa mo Ich, Sa mo Du, Sa mo Jo, Sa mo So
Sie hat gesaat, sie hat gesaat, sie hat gesaat, saa mo eh mo saa sche so unn eh mo saa sche so er hat gesaat, er hat gesaat, er hat gesaat, saa mo eh mo saasche so unn eh mo saasche so sie saat so unn so unn er saat nur ajo ich glaab er schlooft Sa mo Sie, Sa mo Er, Sa mo Jo, Sa mo So, Eijo Sa mo Ich, Sa mo Du, Sa mo Jo, Sa mo So
Mir hann gesaat, ,mir hann gesaat, jetzt hamma de Salat hann gesaat, hann gewaat unn hann gaa nix meh parat mir hann gesaat, mir hann gesaat, jetzt hamma de Salat hann gesaat, hann gewaat unn hann gaa nix meh parat genuch geredd, genuch geredd, loss mer doch mei Ruh ich saa nur noch jo
Sa mo Sie, Sa mo Er, Sa mo Jo, Sa mo So, Eijo Sa mo Ich, Sa mo Du, Sa mo Jo, Sa mo So
|
||||
4. |
Ohne inne kenn auße
03:51
|
|||
Ohne Klingel kenn Knopp, ohne Suff kenn Kopp ohne Lebe kenn Doot, ohne Geld kenn Not ohne Uhr kenn Welt, ohne Sauerstoff kenn Zelt ohne Dier kenn Scharnier, ohne Klo kenn Papier ohne Rose kenn Gaade, ohne Speck kenn Made ohne Herzog kenn Narre, ohne Kerch kenn Parre ohne Inne kenn Auße, ohne Auße kenn Inne wer kann de Sinn nur finne
Ohne Kopp kenn Aasch, ohne Wein kenn Flasch ohne Stuhl kenn Gang, ohne Luft kenn Schlang ohne Bier kenn Dorscht, ohne Hans kenn Worscht ohne Käs kenn Fieß, ohne Grill kenn Spieß ohne Wohl kenn Klang, ohne Rohr kenn Zang ohne Uhr kenn Zeit, ohne Meile kenn Weit ohne Inne kenn Auße, ohne Auße kenn Inne wer kann de Sinn nur….
Ohne Hingel kenn Hang, ohne Eva kenn Schlang ohne Com kenn Puter, ohne Decke kenn Fluter ohne Lese kenn Buch, ohne Dasche kenn Duch ohne Groß kenn Kotz, ohne Nas kenn Rotz ohne Platt kenn Kopp, ohne Hemd kenn Knopp ohne Fritz kenn Eier, ohne Trauer kenn Feier ohne Inne kenn Auße, ohne Auße kenn Inne wer kann de Sinn nur finne
|
||||
5. |
Mei Traum
02:55
|
|||
6. |
Unn es laaft
04:53
|
|||
Ob Stadtfescht, Kerb, Oktoberfescht, in München auf der Wiesen ob Mann, ob Fraa, ob Jung, ob Alt, die Brieh muss eenfach fließe de Mensch hat Dorscht seit es ne gebt, weil ohne Nass hat er kenn Spaß Wasser iss Lebe unn Bier iss Geschmack im Wein leit die Worheet, beim Schnaps werd se knapp
Heit brauch ma mehr als nur das flüssisch Brot, ohne Strom aus de Steckdoos, wär´nirgends was los ess Auto fahrt net vun alleen, ess Handy dess rasiert nimmie scheen
was iss los mit Atom und Co - wenn´s do mo kracht werre ma nimmie froh mir brauche was gescheites wie Sunneenergie, die Idee iss die ich mach Strom aus Pipi
Unn es laaft, unn es laaft, ei wo laafts dann hien
kennner hat´s gesiehn
Uff eemol isses weg,
isses nimmie do
ei wo isses hien,
kenner hat´s gesiehn
Wie soll das nur funktioniere, obbe kalt rinn unn unne warm raus dess iss doch Energieverschwendung, e riese Unding, e großer Graus ess Pipi werd zum Träger vunn purer Energie, unn do draus werd dann Schtrom gemacht, dess iss mei Fantasie Jetzt steh ich do im Pissoir, unn hab mir überleht ess Energieproblem zu löse, doch ess iss zu spät
|
||||
7. |
De Syndikus
05:19
|
|||
Refr: De Syndikus vun Zweebrigge, dess war e reicher Mann mit Silberblick unn Hokenoos wollt ne kennie hann sei Lieb wollt er sich kaafe, hat ihm kenn Glick gebrung mittem Kopp unnerm Arm muss er laafe, dess hat er jetzt devunn
1. In unserm scheene Schtädtche hat er einst residiert hat genuuch vun allem, doch war leider net liiert kee Wunner denn sei Antlitz war net besonnersch schick vumm Habicht war die Nase unn geschielt hat sei Blick
2. Den hatte er gerichtet auf einen steilen Zahn vom Königreiche Kreuzberg, es Lisbeth hat´s ihm angetan da gab es noch de Jäscher, schießt em Herzog es Wildbret der war jetzt ganz verzweifelt, teilt er doch Lisbeth´s Bett
3. Doch war ess nicht sein Wesen, mit dem er Sie umrankt, gab ihr Geld fer Brot zu kaafe, die alt Mutter war so krank so kam es wie es musste, die Hochzeit ward vollbracht de Jäscher der war stinkisch, de Syndikus hat gelacht
4. Unser Jäscher wollt jetzt wisse was sei armes Lisbeth macht streicht um´s Haus vum Syndikus, bei Daa unn aa bei Nacht uff eemol war de Jäger fort, wie vumm Erdbodde veschwunn unn korz druff hat ma aa sei Lisbeth mausedoot gefunn
5. De Herzog denkt do iss was faul unn fackelt a net lang, er geht ins Haus vum Syndikus ihm war angscht unn bang do leider do de Syndikus unn hat sei Kopp noch unnerm Arm die Zweebrigger war`n doodeschtill, kenner traut sich was zu saan
6. Unn wie se ne zum Grab gedraa, in dere schwarze Kischt do winkt er aus´m Fenschter, unn drinne brennt noch Licht weil er die Lieb erzwung hat, mit´m schnöde Mammon nur muss er jetzt immer spuke, in Stadt, Feld, Wald unn Flur
|
||||
8. |
Eijoh
06:03
|
|||
Ich hab dich net geruf und du bisch trotzdem do bei mir wie de Schnuppe unn de Huschte willscht mei Essen, mei Geld unn mei Quartier willscht mei Kleeder, mei Möbel, willscht mei Haus unn aa mei Hut Vor lauter Angscht was zu verliere geht´s ma nimmie gut
Pre Refr: Doch was uns am Lebe halt unn Hoffnung gebt iss die Liebe unn Zusammehalt - jeede Daa abba wenn das Herz nimmie schlaan kann dann isses so doot wie der kleene Buu dann isses so doot wie der kleene Buu am Strand von Griecheland
Refr: Herzschlaach, EIJOH, mir sinn alle vum selbe Schlaach wo du aa herkommscht, EIJOH, iss doch egal Herzschlag, EIJOH, mir sinn alle vum selbe Schlaach ess geht nur zusamme, EIJOH, zusamme simma stark
Aus Not unn Angst hasch du dich uffgemacht ins Paradies net ganz geschafft do leischte jetzt am Inselstrand, Endstation in Griecheland dei Hos war blau, dei Hemd blutrot, bleibscht jetzt fer immer do
dess war dei letschtes Boot bisch nur enner vun Millione, Name unbekannt ohne Zukunft im gelobte Land
|
||||
9. |
Geburtstagslied
03:48
|
|||
Refr: Heit feiern mir Geburtsdaa heit feiern mir Geburtsdaa unn alle gratuliere dir denn ohne dich macht´s kenn Plaisier heit feiern mir Geburtsdaa heit feiern mir Geburtsdaa mir gratuliere dir dezu die Party geht ab unn mir gebbe kenn Ruh
Dass du Geburtsdaa hasch, dess iss genial du bisch am schennschte do im ganze Saal dei Johre sieht ma dir net aan du bisch so wunderbar ohne dich hann mir kenn Spaß, dess iss jo klar
die Freunde, die Kolleesche unn die bucklisch Bloos alle sinn se ingelaad unn finne dess famos dann packe mir die Musigg aus unn wer´n heit nimmie mied mir sinn guud druff unn hann viel Spaß unn singe dir dess Lied
Refr: Heit feiern mir Geburtsdaa heit feiern mir Geburtsdaa unn alle gratuliere dir denn ohne dich macht´s kenn Plaisier heit feiern mir Geburtsdaa heit feiern mir Geburtsdaa mir gratuliere dir dezu die Party geht ab unn mir gebbe kenn Ruh
Du bisch so gut zu uns, gebsch enner aus do dun ma lebe heit in Saus unn Braus dann hau ma richtisch uff de Butz bis dass die Schwarte kracht mir geh´n net heem bis dass die Sunn uns lacht
die Freunde, die Kolleesche unn die bucklisch Bloos alle sinn se ingelaad unn finne dess famos dann packe mir die Musigg aus unn wer´n heit nimmie mied mir sinn guud druff unn hann viel Spaß unn singe dir dess Lied
|
||||
10. |
Am Horizont
04:23
|
|||
11. |
Venezia
04:40
|
|||
Refr: Venezia, Venezia, ecco la qua, con i canali per la citta
Venezia, Venezia, ecco la qua, con i canali per la citta
Gondola porta mi via con te
vedere San Marco, i bei Palazzi, passare sotto i ponti
vedere il Lido, la Giudecca, Murano, il sole, il mare, il vento
1) Fare dentro e fori dai negozzi per ammirare vetri colorati andare su e giù per la citta respirando i tuoi profum fare dentro e fuori dai negozzi per ammirare maschere andare su e giù per la citta pensando l´oriente
2) Andare all Harris Bar per un bianchino e bere due tre Hemingway perdersi al mercato la mattina per cercar´ fortuna quando la luna è sopra la laguna, Casanova cercar´ la bella ma all´alba il ballo è finito e lui non c´è più
|
Streaming and Download help
If you like Blues Himmel, you may also like:
Bandcamp Daily your guide to the world of Bandcamp