1. |
Schtärker Als De Wind
04:08
|
|||
Schtärker als de Wind 01.05 M:Wolf/ T:Wack
Dess gebt´s nur eemol uff de Welt, doch die meischte hann´s vergess
E Wunner wie´se de Jesus gemacht, ganz ohne großer Schtress
Es war nur schunn viel frieher do, so ganz vunn Anfang aan
Das Wunner heeßt Natur, dess will isch eich jetzt saan
Nur sie kann repariere was ihr kapputt gang iss
Sie brauch nur bissje Zeit, unn macht net viel Geschiss
De Ascht am Baam, de Knoche, die Haut
Sogar aus´m Abfall do wachst noch e Kraut
Mir sinn schtärker als es Wasser
Mir sinn schtärker als de Wind
Nur uff dem eene Au
Sinn mir bissje blind
Jetzt kommt de Mensch unn mennt er wär schlau
Betoniert alles zu am liebschte ganz in grau
Was er net braucht, blost da grad inn die Luft
Hol da mol e Naas voll vunn dem guude Duft
Die Natur, zeit uns de Schpischel, die Natur gebt uns zurick
Was sie vunn uns krieht hat, e ganzer Haufe Dreck
Sie iss jetzt langsam sauer, sie hat de Schnabbel voll
zieht jetzt mol die Notbrems unn singt ihr Lied in Moll
|
||||
2. |
Rick Doch E Bissje Näher
04:26
|
|||
Rick noch e bissje näher T/M: R. Hoffmann
War ibberall unn nirgends unnerwegs, hab´s selbscht so ausgewählt Mei Welt war scheen unn groß unn rund, doch es hat was gefehlt. Ich hann am Abgrund rumgehängt, schtand uff de Abschußlischt Doch bin em Deiwel vunn de schipp geschprung,
Wie du uffgetaucht bischt Weil de uffgetaucht bischt Rick noch e bissche näher ran, dass ich dei wärme spür Wenn´s dann so scheen iss wünsch ich mir,
Dass isch dich nimmie verlier
Was mir gefehlt hat irgendwie, finn isch jetzt bei dir unn wenn die nacht am schwärzschde iss,
Bisch du ganz nah bei mir Bisch du ganz nah bei mir
|
||||
3. |
Zu Spät
03:05
|
|||
Zu Spät M: Wack / T: Freyer
Zu Spät, Zu Spät, Zu Spät, Zu Spät Moiens gehn ich uff de Bus E Sach wo ma pinktlich sinn muß kommsche zu spät issa schunn gefah Dann weesche dess werd e bleeda Daa Zu Spät, Zu Spät, odda aa net. Uff de Abed sinn se all schunn doo Do kommt de Chef aus seim Büro Sa mo wo kommscht du jetzt her Pinktlich sinn iss doch net schwer Zu Spät, Zu Spät odda aa net Voisjohr hatt ich e Date Mit ra Hübsche, doch isch war zu spät Deletscht sieh isch se mit ihrem Mann Er hat misse die Schuhschachtele trahn Zu Spät, Zu Spät odda aa net Hann getreemt vumm Petrus an de Himmelsdier Der hat gesaat du bisch do falsch bei mir Sollsch nunna komme in die Hell Die werd ball zugeschloss, mach schnell Zu Spät, Zu Spät odda aa net
|
||||
4. |
Do Fehlt Ma Was
04:45
|
|||
DO FEHLT MA WAS T/M: M.Wack
Isch brauch als mo mei Ruh, vunn dere Hetz unn vunn demm Schtreß
Jo do gebt´s nur enns, de Rescht iss schnell vergess
Isch hol ma was zum lese unn hock misch uff mei Thron
Unn wenn isch habe fertisch, guck isch mich nur bleed um
II: Wo iss nur die Roll geblieb, ja wo isse hien :II
II: Do fehlt ma was :II
Jetzt schteh isch do im Supermarkt, mei Wähnsche voll gelaad
Hann nur feine Sache kaaf, Rose´unn Schokelaad
Do froot misch die Fraa an de Kass, wie isch heit bezahle will
Ess Geld iss all, wo iss nur die Nummer vunn dere PIN
II: wo iss dann nur die Nummer hieen, ja wo isse hien :II
II: Do fehlt ma was :II
Wenn ich in meiner Stammkneip schteh, am End vumme hadde Daa
Do trink isch gern e guudes Bier, unn Hunger hab isch aa
Es Hackschnittsche dess lacht misch aan, saat isch geheer heit zu dir
Isch waat net lang unn hol mir´s glei, doch irgendwas ruft in mir:
II: Wo iss dann es Maggi hien, ja wo isses hien :II
II: Do fehlt ma was :II
Doch dann an some triebe Daa, ohne Sunn unn ohne Strahl,
Sitz isch dann do unn simelier, ibbers Lebe ganz banal
Uff eemol fallts ma widder inn, wie Schuppe aus der Hoor
Hann gespielt unn hoch gesetzt, de Hauptgewinn verlor,
II:Wo iss dann nur mei Schätzje hien ja wo isses hien:II
II: Do fehlt ma was :II
|
||||
5. |
||||
Isch mach de Blues Wack/ Scheid 08.09.
Schpät obends bin isch zu da komm unn hann gekloppt an deiner Dier ganz nichtern war isch nimmie dess war bestimmt es Bier Du hasch ma uffgemacht dann isses bassiert dann bin isch bei dir inngezoo Du frooscht misch wie´s jetzt weitergeht mit Haushalt, butze, koche, isch saa dess iss mei Paket: Isch mach de Blues (Er macht de Blues) unn du machsch die Wäsch (unn sie macht die Wäsch) Unn wenn isch dann groß raus komm, reich unn berühmt Dann kaaf isch dir e goldner Ring Die schennschte Kleeder unn e Cabriolet, dess iss dann alles kenn Problem Jetzt simma lang zusamme schunn die Johre gehn ins Land mir laafe ibber Bersch unn Daal meischtens Hand inn Hand Isch mach de Blues unn du machsch die Wäsch Doch ess iss net immer so eenfach wie ma sich dess als mo denkt unn hat es blaue Hemd mo Flecke dann iss aa jemand do wo mir Liebe schenkt Unn wenn du mol die Schnauz voll hascht vunn demm Zirkus do dann tausche mir die Rolle doch dess macht disch aa net froh II:Dann hasch du de Blues
unn isch mach mei Wäsch :II (bischele,naß butze)
|
||||
6. |
Die Lieb Iss Fort
04:00
|
|||
Die Lieb iss fort T:Ohler M:Wack/Wolf
Dei Lieb die iss fort,
wer weeß nur wohin,
Dei Lieb, die iss fort,
was hat jetz noch Sinn,
Hasch se erschd gut vesteckt,
jetz is se vereckt.
Futsch iss die Lieb,
du hasch se geklaut , Baby.
Futsch iss unser Lieb,
mit Hoor un mit Haut, Baby.
Gebsch se nimmie raus,
dei falsches Spiel is aus, Baby.
Dei Lieb die iss dood,
du hasch se gekillt, Baby.
Die Lieb iss kalt un dood,
mir bleibt bloß dei Bild, Baby.
Ich nemm's in die Hand,
un werf's an die Wand. Baby.
Vegess doch mei Lieb
un komm nimmie serick, Baby.
Vegess doch schnell mei Lieb,
dess war die letschda hieb, Baby.
Dei vedammtes Geschrei
iss jetz endlich vorbei. Baby.
Ich geh dann in die Kneip
un sauf dort zeh Bier, Baby.
Ich schteh an de Thek,
du hocksch dich zu mir, Baby.
Vefluchder Alkohol,
jetz probier mer's nochmol. Baby.
|
||||
7. |
Hüh Unn Hott
03:25
|
|||
Hüh unn Hott M:Scheid, T: Wack
So unnerschiedlich wie nur was, isses ernscht odder isse Schpaß,
Die Entscheidung fallt ma aarisch schwer, ohne Bodde iss das Faß
Spiel isch mit der Eent, denk isch an die Anner,
Mei Herz, dess iss jo groß genuch, steht Liebe uff´m Banner
Die Eent aus meiner Heimatstadt, e eschtie pälzer Fraa
Die Anner schwarz unn heiß, Extase pur aus Afrika
Die Eent iss ma ans Herz gewachs, iss mei leewe, jeede Daa
Zwische Dur unn Moll im Blaue Kleed, Top Figur wie e Fernsehschtar
Hüh unn Hott, Hüh unn Hott
Mißt isch misch entscheide, hätt isch mei liebie Not
Hüh unn Hott, Hüh unn Hott
Alles iss ganz prima, alles iss im Lot
Die anner die iss zu ma komm ich war schunn bereit
Mit ihrer Kraft aus alter Zeit, gebt ma Mut unn Sicherheit
Doch kann ich nie mit beide spiele, hann ich doch nur zwee Hänn
So will ich misch aa net entscheide wer iss mei Nummer enns
Die Leidenschaft die Leiden schafft, des iss mei Schicksaal do
Die Musik iss mei Liebe, macht mich immer froh
Drum schpiel ich munter weiter an meine beschte Saite
Unn hau fescht uff die Trummel, dess losst sich net vermeide
|
||||
8. |
||||
Wer kann dir jetzt noch vertrau´n Hans York
Ei gugge mo her, was leit dann do unnerm Bett dass iss jo kaum zu glaabe, was issen das fer Dreck ich muss die Luft rauslosse bevor ich explodier Ich werr zum Tier Her zu do obbe, jo du, was issen mit dir loos mir steht es Wasser bis zum Hals, wo issen dei Floß Wo sinn dann all die Engel hin, dei heilisches Kind hann die Party gewechselt, sinn zum Deiwel hin
Wer kann dir jetzt noch vertrau´n
Isch hann´s Geld uff de Bank unn hann druff vertraut jetzt hann mir die Drecksäck alles geklaut Es geht so net weiter, schtehn mit´m Ricke zur Wand Isch jaan die ganz Bagaasch jetzt aus´m Land Mei Bruder der helft ma unn mei Schwester aa unn wo die hientret, do wachst kenn Gras Unn sie find disch aa, egal wo de disch verschteckscht gebsch am beschte gleich uff, bevor de vereckscht Wer kann dir jetzt noch vertrau´n Ei geh doch fort, loss mich in Ruh ich zahl die Miet, es Auto, bring die Kinner in die Schul ich geh in´s Büro unn sitz dann dort de ganze Daa fer dei dummes Zeich iss mir mei Zeit zu Schaad Bische noch discht im Kopp, denkschte dass isch net siehn do iss e annerer, den schlaa isch blau unn grien so enner wie der, der kommt ma jetzt grad recht leet sei Eier inn e fremdes Nescht Wer kann dir jetzt noch vertrau´n Ei Gottseidank isch bin jetzt frei du bisch fort, passe´, es iss jetzt vorbei hann da endlich mo die Meinung gesaat doch es nächschte Unglick schteht schunn lang paraat Unn wenn´s dann so kommt dann wees isch genau Dass isch dir net glaabe, dass isch dir net vertrau´ isch bin doch net der Käpt´n vunn dem Schiff das sinkt riesch de Broode schunn vunn weitem, wenn er schtinkt Wer kann dir jetzt noch vertrau´n
|
||||
9. |
Richtung Süde
03:08
|
|||
Richtung Süde T/M: Tognoli / Wack
Immer nur Richtung Süde, es iss jetzt Zeit zu geh´n
Finn ich dort wahre Liebe, in der Stadt aus warme Schteen
Dort waat uff mich es Lebe, wie ich es schunn immer wollt
Aue so grün wie Smaragde, die Hoor so Blond wie Gold
Jeede Daa am blaue Meer, spiel isch mit dir am Schtrand
die Liebe fest im Herz, bau dir e schloß aus Sand
Bis die Sunn erwacht, de Himmel wie gemoolt
Aue so grün wie Smaragde, die Hoor so Blond wie Gold
Jetzt sitz isch do im Norde, drauße leit schunn Schnee
Mei Herz will Richtung Süde, die Zeit war wunnerscheen
Aue so grün wie Smaragde, die Hoor so Blond wie Gold
Irgendwann wer´n mir uns widdersiehn
Irgendwann wer´n mir uns widdersiehn
Richtung Süde do werd´s mich immer ziehn
|
Streaming and Download help
If you like Blues Himmel, you may also like:
Bandcamp Daily your guide to the world of Bandcamp